VIDEO: छत्तीसगढ़ी परम्परा ल अपन आवाज म बुलंद करत हे, छत्तीसगढ़ के बेटी अनन्या नाग… सुनव ओखर मधुर आवाज म ये ”सुवा” गीत
रायपुर 13 नवंबर 2020। प्रदेश के पहिचान छत्तीसगढ़ी पारंपरिक व सांस्कृतिक ”सुवा” गीत के परंपरा ह धीर धीरे विलुप्त के कगार पर हे। वइसे तो हमर छत्तीसगढ़ म दशेला के बाद ले ही घर घर म सुआ नर्तकी दल ह दस्तक देना शुरू कर देथे, लेकिन अब धीरे धीरे गांव अउ शहर म अइसने नजारा बहुत ही कम दिखाई देवत हे। छत्तीसगढ़ के अइसने ही परंमरा ल आगे बढ़ाते हुये अपन आवाज म बुलंद करत हे प्रदेश के बेटी अन्नया नाग ह। अन्नया नाग EWO म पदस्थ एडिशनल एसपी महेश्वर नाग के बेटी हरे अउ डीपीएस रायपुर म छठवी के पढ़ाई करत हे।
अन्नया नाग ह बच्चपन ले छत्तीसगढ़ी भाखा म अइसने ही सांस्कृतिक गीत गावत हे। ऐखर ले पहली भी छत्तीसगढ़ के योजना मन ल अनन्या ह अपन मधुर आवाज के माध्यम से जन जन तक पहुंचाए हे। अन्नया के ये नावा गीत ”सुवा” ह यूट्यूब म अब्बड़ छाये हे। प्रदेश के जनता ह ये गीत ल काफी पसंद भी करत हे। वीडिया म अन्नया ह छत्तीसगढ़ी पारंपरिक वेशभूषा म नजर आवत हे, ये गीत ल यूट्यूब म काफी पसंद भी करत हे। आप मन भी सुनव प्रदेश के बेटी अन्नया के ये सुग्घर गीत ”सुवा” …..
